လဵပ်ႈႁဵၼ်းတူၺ်းပုိၼ်းၵႅပ်ႈလွင်ႈပဵၼ်မႃးလိၵ်ႈႁူမ်ႈမၢႆပၢင်လူင်

မႂ်ႇသုင်ၶႃႈ ပုိၼ်းၵႅပ်ႈလွင်ႈပဵၼ်မႃးလိၵ်ႈႁူမ်ႈမၢႆပၢင်လူင် ဢမ်ႇၼၼ်ၶေႃႈၵိၼ်ၵႅၼ်ပၢင်လူင်
ဢမ်ႇၼၼ်ႉၼမ်ႉၸႂ်ပၢင်လူင်ႁဵတ်းႁုိဝ်ပဵၼ်မႃး ၸႂ်ႉၶၢဝ်းယၢမ်းၵႃႈႁုိဝ်သေပဵၼ်မႃး
လႆႈၸႂ်ၵၼ်ၸူိင်ႉႁုိဝ်လၢႆလၢႆ လဵပ်ႈႁဵၼ်းတူၺ်းၸူိဝ်းတႂ်ႈၼႆႉၶႃႈလႄႈ

တႃႇတေပဵၼ်မႃးလိၵ်ႈၵိၼ်ၵႅၼ်ႇပၢင်လူင် လိၵ်ႈႁူမ်မၢႆပၢင်လူင်ၼႆႉ မၼ်းဢမ်ႇငၢႆႈၼင်ႇၵဝ်

မူိဝ်ႈ႑႐ႉ႒ႉ႔႗ယၢမ်းၵၢင်ၼႂ်တၢင်းပွတ်ႇတွမ်ႇလီ ၶဝ်ၽႅဝ်မႃး တၢင်ႇေၼၽုိၼ်လိၵ်ႈၸၵ်းယွႆႈၼေ

ၵၼ်တွပ်ႇထဵင်ၵၼ်ၵႄႈလိတ်ႈၵၼ်ပႆႇယဝ်ႉတူဝ်ႈ ထုိင်မႃး႑႑ႉ႒ႉ႔႗ဢုပ်ႇၵုမ်ၵႄႈလိတ်ႈၵၼ်ထႅင်ႈ

တၢင်းၼႂ်လႄႈထုိင်ဝၢႆးဝၼ်းမႃး ဢၼ်ၶဵင်ႈၵေႃးယၢၼ်းပၼ်ဢိတ်းၼုိင်ႈဢၼ်ယၢၼ်းၼႃႇၵေႃႈၶဵင်ႈ

ပၼ်ဢိတ်းၼုိင်ႈသေ ၸင်ႇလႆႈဝူင်ႈၵၢင်မၼ်းလႄႈ ယဝ်ႉတူဝ်ႈၵႂႃႇ မူိဝ်ႈ႑႒ႉ႒ႉ႔႗ယၢမ်းၵၢင်ၼႂ်

ၸင်ႇလႆႈလူင်းလၢႆးမုိဝ်းၵၼ်ၼႆယဝ်ႉ

ဢၼ်မူိင်းတႆးလႆႈတၢင်ႇၼေ

မူိင်းတႆးႁဝ်းၼႆႉပေႃးဢဝ်ပၼ်းမူိင်ႈဝႃႈၼႆ ႁဝ်းတုိၼ်းပဵၼ်မူိင်ႈသဝ်းၶေႃလႄႈ ၶူဝ်းၶွင်

လွင်ႈမၢၵ်ႈမီးႁဝ်းၵေႃႈတဵမ်ထူၼ်ႈ တၢင်ႈၵႂၢငႈဝၢၼ်ႈမူိင်းလႄႈ တၢင်ႈၼမ်ၵူၼ်းမူိင်း

ႁဝ်းၵေႃႈၵုိင်ႇပဵၼ်မူိင်းသဝ်းၶေႃ ႁဝ်းၵေႃႈတုိၼ်းၶုိင်သၢင်ႈႁဵတ်းမူိင်းသဝ်းၶေႃယူႇ

ၵူၺ်းပေႃးႁူမ်ႈၵၼ်တၢင်းမူိင်းမၢၼ်ႈ သင်ထုိင်မႃးဝၼ်ႈၼုိင်ႈ မူိင်းမၢၼ်ႈတေဢဝ်ၵူၼ်း

ၼမ်တၢင်းႁႅင်းယႂ်ႇသေ တဵၵ်းတဵင်မႃးမူိင်းတႆးႁဝ်း မူိဝ်ႈပူၼ်ႉၼႂ်းမုိဝ်းဢင်းၵိတ်ႉယဝ်ႉ

သမ်ႉလႆႈၶၢမ်တၢမ်ႇမၢၼ်ႈထႅင်ႈ လွင်ႈၼၼ်ႉၵူၼ်းမူိင်းတႆးၶမ်ၸႂ်ယူႇဢၼ်ၼုိင်ႈ

ၽႅဝ်ၼႂ်းႁူင်းပွင်ၵၢၼ်လူင်ပွင်ၸုိင်ႈယဝ်ႉ ပေႃးမႃးတမ်းဝၢင်းပၵ်းပူိင် လွင်ႈၶၢမ်ႇလႄႈ

လွင်ႈၸၢမ်ႇ လွင်ႈလႆႈလႄႈလွင်ႈသုမ်း ၸွမ်းၼင်ႇလွၵ်းလၢႆးတီႇမူဝ်ႇၶိရေႇၸီႇၵေႃႈ

ပဵၼ်မူိင်းၵူၼ်းဢေႇ ပၼ်ၶႅပ်းၵၢင်ၸႂ်ၵၼ်ၵေႃႈ ၽၢႆႇဢေႇၼၼ်ႉတေလူင်းတိၵ်းတိၵ်း

(႑)ၽၢႆႇႁေႉၵင်ႈ (႒)ၽၢႆႇငိုၼ်းတွင်း (႓)လွင်ႈၵၢၼ်ၵူၼ်း တင်ႈဢဝ်ၵၢၼ်ပူိင်မၢႆၶုိၵ်ႉ

တီႈၵႅပ်ႈမၼ်းၸူိဝ်းၼႆႉ တေလႆႈထူပ်းလွင်ႈယၢပ်ႇၽုိတ်ႇယူႇ ပူိဝ်ႈၼႆတႃႇႁဵတ်းမူိင်းႁူမ်ႈ

ၵၼ်တင်းမၢၼ်ႈၼႆႉ ဢမ်ႇတမ်းၸႂ်လႆႈ တၢင်ႇၼေၵႂႃႇၼင်ႇၼႆ

ဢၼ်ဢွင်ႇသၢၼ်းၶုိၼ်းတွပ်ႇ

ၵႂၢမ်းၸူိဝ်းၼင်ႇပီႈၼွင်ႉတႆးၶဝ် တၢင်ႇလၢတ်ႈမႃးၼႆႉ ၵွပ်ႈပူိဝ်ႈယူႇတီႈဢမ်ႇယုမ်ႇၵၼ်

ဢမ်ႇလုိမ်းၸႂ်ၼၼ်ႉသေ လၢတ်ႈမႃးလႄႈၵႃႈတေလႆႈဝႃႈၸူိင်ႉၼႆယဝ်ႉ ၸႂ်ႈယူႇၼင်ႇၵဝ်ႇ

သင်ၸူိဝ်ႉဝႃႈယုမ်ႇၵၼ်လႄႈ ဝႆႉၸႂ်ၵၼ်သေလၢတ်ႈမႃးတႄႉ တေဢမ်ႇဝႃႈၸူိင်ႉၼႆ

ၵဝ်ၶႃႈႁၼ်ထုိင်ယူႇယဝ်ႉ ယၢမ်းလဵဝ်ၼႆႉ ၵဝ်ၶႃႈတေလၢတ်ႈၼမ်ၵေႃႈ ပဵၼ်တၢင်းၼမ်

ၵူၺ်း ဢဝ်ၵၢင်ၸႂ်သူၸဝ်ႈဝႃႈ ဢမ်ႇပွင်းႁဝ်းၼႆၵေႃႈလီယူႇ ႁဝ်းၶႃႈတႄႉလႆႈမႃး လႆႈမႃး

လိၵ်ႈၵိၼ်ၵႅၼ်ႇၽူိၵ်ႇတႅမ်ႈမၢႆဢွၼ်ႇသၢၼ်း ဢဵတ်ႉတလီႇယဝ်ႉ (ထူၵ်းဢွၵ်ႇၽုိၼ်လိၵ်ႈ

ယုၵ်ႉၼေ) ၸဵဝ်းလႄႈၼၢၼ်းတၢမ်းၼူိဝ်တၢင်းႁဵတ်းမၢၼ်ႈႁဝ်းၵူၺ်း တေလႆႈပဵၼ်မူိင်း

သဝ်းၶေႃဢမ်ႇႁၢင်ႉယဝ်ႉ ၼႂ်းၽုိၼ်လိၵ်ႈၼႆႉ တင်းသႂ်ႇမႃး ယွၼ်းပႃးပုၼ်ႈသူၸဝ်ႈ

မူိင်းသၼ်လွႆယူႇ ႁဝ်းတင်းဢမ်ႇၸႂ်ႉယွၼ်းလူင်ၼႆႉဝႃႈၼႆယူႇ ပူိဝ်ႈဝႃႈၶႂ်ႈႁႂ်ႈၵတ်းယဵၼ်

လႄႈ သူင်ႇမူိင်းၽီ သမ်ႉဝႃႈပႆႇလီလႄႈ ဝႅၼ်တူၵ်းၼႆၵေႃႈ ၸၢင်ႈတေႁဵတ်းႁုိဝ် 

ထႅင်ႈၵမ်းၼုိင်ႈ ႁဝ်းတေလၢတ်ႈတေႃႈလဵဝ် ႁႂ်ႈယဝ်ႉၼႆ ႁုိဝ်တေပႃႈယဝ်ႉ တီႈယဝ်ႉမၼ်း

တီႈၼႂ်းႁူင်းပွင်ၵၢၼ်လူင်ပွင်ၸုိင်ႈ ႁဵတ်းဝၢၼ်ႈႁဵတ်ႈလႄႈ တႅမ်ႈမၢႆငဝ်ႈႁၢၵ်ႈပၵ်ႈပူိင်

မၢႆမီႈၼၼ်ႉ ၸွင်ႇတေယဝ်ႉဢူိဝ်ႈ ပေႃးမူိဝ်ႈၼၼ်ႉၵႃႈၸူိဝ်းသူၸဝ်ႈၵူၼ်းမူိင်း တေႁူတ်း

သၼ်လွႆ ၶွပ်ႇ ပႅၼ် လႅၼ်လိၼ်တင်းလၢႆ ၵူဝ်ပဵၼ်လႄႈ ၶႂ်ႈႁႂ်ႈပဵၼ်ၼၼ်ႉႁဝ်းလၢတ်ႈ

ၵၼ်ယဝ်ႉ လႆႈၸႂ်ၵၼ် တႅပ်းတတ်းသႂ်ႇဝႆႉၼႂ်းတြႃးဢုပတေႇ မီးဝႆႉယဝ်ႉၼႆ ၽႂ်ၵေႃႈ

ႁုိဝ်တေယႃႉလႆႈ ၽၢႆႇႁေႉၵင်ႈၶွတ်ႇၽွတ်ႈဝႆႉ တပ်ႉတႆး တပ်ႉၶၢင် တပ်ႉၶျၢင်း ၽၢႆႇငိုၼ်း

တင်ႈတေ ၶွၼ်ႇႁူိဝ်း တႃႈၼမ်ႉပၢင်ႇလၢႆႇ ရထႃးၾႆး ၶွၼ်ႇႁႄႈ သတ်ႉတု ၸူိဝ်းမူိင်းလႂ်

ထုၵ်ႈလႆႈၸူိင်ႉႁုိဝ် ၼမ်ဢေႇ ဢဝ်ႁူဝ်ပၢၵ်ႇမၼ်းသွၼ်ဢွၵ်ႇ မူိၼ်ၼင်ႇ သင်လွႆမူိင်းၶျၢင်း

ပဵၼ်မိူင်းယၢပ်ႇၽုိတ်ႇၶၢၼ်ၸႂ်ၼႆ ႁဝ်းဝႆႉပဵၼ်(ဢထူးဝိသေႇသ)ၼႆသေ ၸွႆႈထႅမ်ႁႂ်ႈၶုိတ်ႈ

တၼ်းပူိၼ်းဢူိဝ်ႈ လီယဝ်ႉမူိၼ်ၼင်ႇမူိင်းတႆးပေႉတူဝ်တဵမ်ထူၼ်ႈ ၽၢႆႇတပ်ႉၵေႃႈ

ႁဵတ်းတပ်ႉတႆးမၢႆ ႑႒႓ ၸူိဝ်းၼႆႉၶုိၼ်ႈၵႂႃႇၵေႃႈပဵၼ်လႆႈ ၽၢႆႇငိုၼ်းၶွၼ်းတုိၵ်ႉလူဝ်ႇၼႄႇ

(ၽၢႆႇမၢၼ်ႇၼုိင်ႈပျႃး တႆးၼုိင်ႈပျႃး)မႅင်ႈၶုိင်ႈၵၼ် ႁဝ်းတႅပ်းတတ်း ၼႂ်းငဝ်ႈႁၢၵ်ႇပၵ်းပူိင်

မၢႆမီႈဢုပတေႇသေ ဢမ်ႇလီယဝ်ႉၼႄႇ လူိဝ်သေၼႆႉႄလႈဢမ်ႇလုိမ်းၸႂ်ၵေႃႈ

ၵဝ်ၶႃႈ ယွၼ်းလႆႈၼေပၼ်ၵၢင်ၸႂ် ၸေႇတၼႃႇ ၵဝ်ၶႃႈႁဵတ်းပၼ်တၢင်းလီပုၼ်ႈတႃႇ

မူိင်းတႆး(႑႐)ပီႊ ၵမ်းၼၼ်ႉလႄႈဝႃႈလီ (႑႐)ပီႊတဵမ်ယဝ်ႉ ဢမ်ႇမူိၼ်ၼင်ႇၸႂ်ၶႂ်ႈၽၢတ်ႇ

ဢွၵ်ႇၵေႃႈလႆႈ ၶႂ်ႈႁဵတ်းဝႆႉလိၵ်ႈၵိၼ်ၵႅၼ်ၵေႃႈႁဵတ်းလႄႈ မူိဝ်ႈတႅမ်ႈငဝ်ႈႁၢၵ်ႈဢုပတေႇ

ၵေႃႈ လူိၵ်ႈမႃးၽူႈတၢင်တူဝ်ၵူႈမူိင်းမူိင်းႁွမ်းၵၼ်သေ တႅမ်ႈၸွမ်းၼင်ႇၵၢင်ၸႂ်ႁဝ်း

တၢင်းလၢႆႁဵတ်ႈ ၸူိင်ႉၼႆလႄႈဝႃႈပႆႇလုိမ်းၸႂ်ၵေႃႈ ၵဝ်ၶႃႈဢမ်ႇၸၢင်ႈႁဵတ်းႁုိဝ်ယဝ်ႉ၊

ဢၼ်မူိင်းၶၢင်တၢင်ႇၼေ

ႁူမ်ႈပွင်းၵၼ်တၢင်းမူိင်းမၢၼ်ႈၼႆႉ မူိၼ်ၼင်ႇပီႈၼွင်ႉမူိင်းတႆးၶဝ် ဢမ်ႇလုိမ်းၸႂ်ၼၼ်ႉ

မူိင်းၶၢင်ႁဝ်းၵေႃႈဢမ်ႇလုိမ်းၸႂ် မၢၼ်ႈၶဝ်ၼႆႉ မီးၸႂ်ထၢင်ႇလဵၵ်ႉ ၼူိဝ်ၵူၼ်းမူိင်းတႄးႁူတ်ႈ

သၼ်လွႆႁဝ်းၼႅၼ်ႇ မူိဝ်ႈပွၵ်ႈၼုိင်ႈ ၽူႈတၢင်တူဝ် ၼၢင်းႁေႃၶမ်း ႁွင်ႉၶၢင်ႁဝ်းမူိဝ်းႁဵတ်း

ပွႆးၼေ တီႈဝဵင်းယၼ်ႇၵုင်ႇ မၢၼ်ႈၶဝ်ဝႃႈ (ကချင်ေတွ အများကြီးလာတယ် ရန်ကုန်တမြို့

လံုး ချဉ်ေစာ်နံကုန်တာဘဲ) ၵမ်းၼႆႉပေႃးႁဝ်းပွင်းမၢၼ်ႈယဝ်ႉ ၶႅၼ်းလူင်းမႃးၼမ်

ၶဝ်တေသႄႉဝႃႈ (ၶျိၼ်ႇၸေႃႇၼၢၼ်ႇ)ၼႆထႅင်ႈၵမ်းၼုိင်ႈယဝ်ႉ ၸူိင်ႉၼင်ႇႁဝ်းတၢင်ႇ

ယွၼ်း (ပီႇၼႄႉ)မူိင်းၶၢင်ၼၼ်ႉ ပေႃးဢမ်ႇတတ်းတႅတ်းသႂ်ႇပႃးဝႆႉ ၸဵမ်တီႈၼႂ်းပၢင်ၵုမ်

ၼႆႉ ၸၢင်ႈပွင်ႇသင် ဝႃႈၼႆသေ သမႃးတူးဝႃးသိင်ႇဝႃးၼွင်ႇၵေႃႈ လုၵ်ႉဢွၵ်ႇပၢင်ၵုမ်ၵႂႃႇ

မူိဝ်းၶူတ်းၼွၼ်းယူႇယဝ်ႉ ယၢမ်းၼၼ်ႉ ဢွင်ႇသၢၼ်းၸႂ်ႉၵႂႃႇၸွမ်းႁွင်ႉမႃးသေ လႆႈတႅတ်း

တတ်းမၵ်းမၼ်ႈ သႂ်ႇဝႆႉၼႂ်းလိၵ်ႈၵိၼ်ၵႅၼ်ႇပၢင်လူင်တီႈမၢႆ(႖)ၼၼ်ႉယဝ်ႉ၊

ဢၼ်လီတွင်းဝႆႉလမ်ႇလွင်ႈ

႑႒ႉ႒ႉ႔႗ ယၢမ်ႈၵၢင်ၼႂ်(႙)မွင်း ပုိတ်ႇပၢင်ၵုမ်ၶုိၼ်းၸၵ်းၸွၼ်လူၼေၶေႃႈမၢႆ မူိဝ်ႈဝႃး

႑႑ႉ႒ႉ႔႗ ၼၼ်ႉသေ သုိပ်ႇတႅမ်ႈလိၵ်ႈၵိၼ်ၵႅၼ်ႇပၢင်လူင် ၶုိၼ်းလူၼေမႄးၶေျႃးၶႅမ်ႉလႅပ်ႈ

လႆႈၸႂ်ၵၼ်သေယဝ်ႉ လူဝ်ႇလူင်းလၢႆးမုိဝ်းၵူၺ်း

(႑)သၽႃႇပတိ ၸဝ်ႈလမ်းသူိၵ်ႈ ၸဝ်ႈၾႃႉယွင်ႈႁူၺ်ႇ

(႒)ပူဝ်ႇၶျူၵ်ႉဢွင်ႇသၢၼ်း

(႓)ၵေႃႉတႅမ်ႈမၢႆ ၸရေးသၢင်ႇသၢမ် မီးၶဝ်သၢမ်ၵေႃႉ ၼင်ႈဝႆႉႁိမ်းၶၢင်ႈၽူိၼ်တႅမ်ႈၼႆႉ

ႁဵတ်းၽႃၼၢင်းပၼ်ႈ ၽႃတႅမ်ႇပဵင်းဢႅင်ႈ သူိဝ်ႈၼွၵ်ႈၽႃၼၼ်ႉ မီးၵူၼ်းထႆႇႁၢင်ႈၽၢင်ငဝ်း

တမ်းၶူိင်ႈမၼ်းသေၸုၵ်းပႂ်ႉထွတ်ႇဢဝ်လၢႆးၵၢၼ်ပူိၼ်ႈယူႇယဝ်ႉ ႁူဝ်ပုိင်းမၼ်း

ၸဝ်ႈၾႃႉမူိင်းၼမ်ႉသၼ်ႇ တေလႆႈၸုၵ်းပႂ်ႉထွတ်ႇဢဝ်လၢႆးၵၢၼ်ပူိၼ်ႈယူႇယဝ်ႉ

ႁူဝ်ပုိင်းမၼ်းၸဝ်ႈၾႃႉမူိင်းၼမ်ႉသၼ်ႇတေလႆႈ လူင်းလၢႆးမုိဝ်းလႄႈ ၽူႈမၢႆ သၢင်ႇသၢမ်

မွၵ်ႇလၢတ်ႈဝႃႈ ၸဝ်ႈၶုၼ်ပၢၼ်းၸိင်ႇ ၸဝ်ႈၾႃႇလူင်ၼမ်ႇသၼ် ၽိတ်ႈလူင်းလၢႆးမုိဝ်းၶႃႈ

ဝႃႈၼႆ ၸဝ်ႈၾႃႉလူင်လုၵ်ႉပႆမႃး ယိပ်းၵမ်ၸုိမ်းသေ ငႃလူင်းလၢႆးမုိဝ်း ၽူႈထွတ်ႇႁၢင်ႈ

ၶဝ်ၵေႃႈထႆႇဢဝ်ႁၢင်ႈယူႇ ယၢမ်းလဵဝ်ၵၼ် မူိဝ်ႈၽွင်းၼၼ်ႉ

ၸဝ်ႈထုၼ်းယဵၼ်ႇ ၸဝ်ႈၾႃႉလူင်မူိင်းၼွင်

ဢဝ်သူိဝ်ႈၼႃပၢႆႉႁူဝ်မႃႇ ၽၢႆႇသၢႆႉသေ ၼႃႈလႅင် ၼႃႈလိတ်ႇ လုၵ်ႉတၢင်းလႂ်မႃးဢမ်ႇတၼ်ႈ

ႁၼ်မႃးၸုၵ်းႁိမ်းၵူၼ်းထႆႇႁၢင်ႈယဝ်ႉ လူိၼ်းမုိဝ်းမၼ်းၸိသႂ်ႇၼူိဝ်ၸေႈတီႈပူိၼ်ႈလူင်း

လၢႆးမုိဝ်းၼၼ်ႉသေ သဵင်ယႂ်ႇသဵင်လူင်မွၵ်ႇဝႃႈ ပီႈၾႃႉၶဝ်ႁဵတ်းသင်မဵဝ်းၼႆႉ

ပူိၼ်ႈၶေျႃးသမ်ၵူၼ်ႈၵၼ်ဢူိဝ်ႈၼႆႉ ၵွႆးတင်းဢမ်ႇၸုပ်ႉၼမ်ႉလၢႆးၵွၼ်ႇဢူိဝ်ႈ

ပႂ်ႉတူၺ်းဝၢႆးမၼ်းတႃႉ ပေႃးတေလူင်းလၢႆးမုိဝ်းၼႆတႄႉ ဢၢႆႈႁႃးတုိၼ်းဢမ်ႇၶၢမ်ႇ

မုိဝ်းယင်းၵိုတ်းယူႇၶွၼ်ၼုိင်ႈ ၵဝ်ဝႆႉၽၼ်းမၢၼ်ႈ ၼႆယဝ်ႉ

ၵႂၢမ်းမၼ်းလၢတ်ႈၼႆႉ ၸူၵ်ႉမၢတ်ႇဝႆႉ ၼႂ်းဢူၵ်းၵူၼ်းမူိင်းတႆးတၢင်းလၢႆၵူႈၵေႃႉၼုိင်ႈႁုိင်မႃး

ၼုိင်ႈၸဵပ်း တေႃႇၼင်ႇၽွင်းယၢမ်းတႅမ်ႈလိၵ်ႈၼႆႉတုိၵ်ႉမႂ်ႇယူႇဝၢတ်ႈဝၢတ်ႈယဝ်ႉ

ဢွင်ႇသၢၼ်းၵေႃႈ ၸႃႉသေဝႃႈဢမ်ႇႁူႉၵႂၢမ်းပူိၼ်ႈ မုိၼ်းတႃမၼ်းလွမ်ၼႃႈၸဝ်ႈၾႃႉ

ထုၼ်းယဵၼ်ႇယူႇ ၸဝ်ႈၾႃႉတၢင်းလၢႆၵေႃႈၼႃႈပေႃးႁႅင်ႈၵႂႃႇသဵင်ႈ တႆးတၢင်းလၢႆေၵႃႈမုိင်

ၵႂႃႇႁင်းၽႂ်မၼ်းယူႇယဝ်ႉ

ၸဝ်ႈၾႃႉထုၼ်းယဵၼ်ႇ ႁွင်ႉ ၵျၢမ်ႇမတႃႇ ၸဝ်ႈထုၼ်းယေၼ်ႇၸဝ်ႈတေႃႇလူင်မူိင်းၼွင်

မွၼ်ၼႆႉ မူိဝ်ႈပၢၼ်သုိၵ်း ပေႃႇလၢၼ်ႇတီႇယႃႇ ဢင်းၵိတ်းၼၼ်ႉ မၼ်းၸဝ်ႈလႆႈဢဝ်ပုၼ်

ၽွၼ်းၸၼ်ႉၵၢၼ် ၸဝ်ႈႁၢၼ်သေ ဢွၼ်ႁူဝ်တပ်ႉတႆးႁဝ်း ပႂ်ႉတုိၵ်းၵျႃႇပၢၼ်ႇသၢႆသုိၵ်း

ဢၼ်ၶုိၼ်ႈမႃးတၢင်းမူိင်းမၢၼ်ႈ တီႈဝဵင်းပၢင်မၢၵ်ႇၼ(ပိၼ်းမၼႃး) မုိဝ်းၸဝ်ႈၽၢႆႇသၢႆႇ

တူိဝ်ႉထုၵ်ႉမၢၵ်ႇၵွင်ႈလႆႈတႅတ်းပႅတ်ႈ တီႈငွၵ်းသွၵ်ႇၼၼ်ႉယဝ်ႉၼႂ်းပၢင်ၵုမ်ပူိၼ်ႈၼႆႉ

မၼ်းဢမ်ၶဝ်ႈပႃး တူိင်ႇပၢင်မၼ်းၸဝ်ႈမူိဝ်ႈလႂ်ၵေႃႈ တုိၼ်းဝႃႈဢမ်ႇယုမ်ႇမၢၼ်ႈၼႆ

ၶေႃႈလဵဝ် တၢင်းဢၢင်ႈႁၼ်ထိုင်မၼ်း လၢတ်ႈၼေပူိၼ်ႈ ၽႂ်ၵေႃႈဢမ်ႇၶဝ်ႈၸႂ် ၽၢႆႇ

မၼ်းၸဝ်ႈမီးၵူၼ်းလဵဝ် ၵေႃႉလဵဝ် တေႃႇထုိင်ယၢင်း (ၸေႃးပဢူဝ်းၵျီး)လုၵ်ႉၽုိၼ်ႉ

ဢွၼ်ႁူဝ်ၶုိၼ်ႈမႃးမူိင်းတႆး ၵႃႈမီးႁႅင်းပဵၼ်လႆႈၶဝ်ႈသိမ်း ဝဵင်းတူၼ်ႈတီး (တွင်ႇၵျီး)

ဢုပ်ႉလႆႈႁႃႈဝၼ်း မၢၼ်ႈၶုိၼ်းသိမ်းဢဝ်လႆႈ မၼ်းၸဝ်ႈၶုိၼ်းမႃးၶူတ်းယူႇၼႂ်းႁေႃ

တီႈၼွင်မွၼ်သေ ၵိၼ်လဝ်ႈတိၵ်းတိၵ်းလႄႈ ဢမ်ႇပၼ်မုိၼ်းတႃသေပွၵ်ႈတေႃႇထုိင်

လပ်းတႃ ၽၢတ်ႇယၢၼ်ၸူိဝ်ႉၸၢတ်ႈ ၽႅၼ်ႇလိၼ်မူိင်းတႆးႁဝ်းၵႂႃႇၼၼ်ႉယဝ်ႉ

ၵူၼ်းမူိင်းတႆးၵမ်ႈၽွင်ႈ ဢၼ်ပဵၼ်သွင်ၸႂ်သွင်ၶေႃးၼၼ်ႉ သမ်ႉလႆႈငိၼ်းထႅင်ႈၵႂၢမ်း

ၸဝ်ႈၾႃႉထုၼ်းယဵၼ်ႇၼွင်မွၼ်လႄႈ ၶုိၼ်းပဵၼ်ၸႂ်လဵဝ်သေ ဢမ်ႇၶႂ်ႈႁူမ်ႈႁွမ်းမၢၼ်ႈ

ၵႂႃႇလၢတ်ႈၼေၸဝ်ႈၾႃႉယွင်ႁူၺ်ႇဝႃႈ ႁဝ်းယႃႇပေႁူမ်ႈပွင်းမၢၼ်ႈ ၼႆ ၸဝ်ႈၾႃႉလူင်

ယွင်ႁူၺ်ႇ ၶုိၼ်းတွပ်ႈဝႃႈ လွင်ႈသင်ၵေႃႈပူိၼ်ႈပေႃးၶၢမ်းယွမ်းႁဝ်း ပၼ်ႁဝ်းၵူႈမဵဝ်း

သမတ လူင်ၵေႃႈၶဝ်ပေႃးၶၢမ်ႇပၼ်ႁဝ်းႁဵတ်းယဝ်ႉ လၢႆးမုိဝ်းၵေႃႈလႆႈလူင်းယဝ်ႉ

(သူပ်းလႆႈဝႃႈ ၽလႆႈမၵ်း) ပေႃးၶုိၼ်းၶုိၼ်ၼႆၸုိင် 

(႑) မူိၼ်ၼင်ႇတႆးႁဝ်းဢမ်ႇမီး ၵတိသၸ်ႉၸႃႇ (႒) မူိၼ်ၼင်ႇတႆးႁဝ်းဢမ်ၶႂ်ႈႁၼ်ၵဝ်ပဵၼ်

ၶုၼ်ႁေႃၶမ်းဢူိဝ်ႈ ဝႃႈၼႆလႄႈ သၢႆၵႂၢမ်းသုတ်းသဵင်ႈဢမ်ႇၸၢင်ႈသုိပ်ႇထႅင်ႈ

ၼုိင်ႈယူႇၼုိင်ႈဢမ်ႇလုိမ်းၸႂ် ၵႂႃႇတုိၵ်းသူၼ်း တီႈၸဝ်ႈၸၢမ်ႇထုၼ်း ၸဝ်ႈၾႃႉလူင်မူိင်းပွၼ်

ႁႂ်ႈၸွႆႈလၢတ်ႈႈပၼ်ၸဝ်ႈၾႃႉလူင်ၶဝ် လႄႈ ၸဝ်ႈဢၼ်မီးတၢင်းႁူႉ တၢင်းမေႃၼႂ်းမူိင်းတႆး

ၶဝ် ထုိင်မႃးၼႂ်းလူိၼ် မၢတ်ႉၶျ် ႑႙႔႗  ဢွင်ႇသၢၼ်းၶုိၼ်ႈမႃးၸူး ၸဝ်ႈၾႃႉလူင်ယွင်ႈႁူၺ်ႇ

လႄႈ မႄးလၢတ်း ဢုိၼ်းၼွၼ်းလပ်း ပၼ်းထႅင်ႈ ၸင်ႇႁွင်ႉဢဝ်ၸဝ်ႈၾႃႉလူင်မူိင်းပွၼ်

လႄႈၸဝ်ႈၾႃႉလူင်သႅၼ်ဝီ ၵူၼ်းသီႇၵေႃႉ တၢင်းဢွင်ႇသၢၼ်း ၶီႇႁူိဝ်းၶဝ်ႈၵႂႃႇ ၵိၼ်လဵင်ႉ

တီႈၼႂ်းၼွင် ႁၢႆးယႃႈ(ၼွင်ဢၢင်းလေး)မူိဝ်ႈလုိဝ်ႈသဝ်းတီႈႁေႃၶႅၵ်ႇ ၵၢင်ၼွင် ႁွင်ႉ
ဢိၼ်းလႄႇပူဝ်ႇတႄး ၵိၼ်ၶဝ်ႈၼႂ်ယဝ်ႉ ဢုပ်ႇဢူဝ်းၵၼ်လွင်ႈတႆးတၢင်းလၢႆ ဢၼ်ပႆႇ
တမ်းၸႂ်တေႃႇမၢၼ်ႈ ၼႆလႄႈ ၸင်ႇႁဵတ်းထႅင်ႈလိၵ်ႈၵိၼ်ၵႅၼ်ႇ သိပ်းပီႊ ၸူိင်ႉၼင်ႇ
ၵႃႈတီႈတႂ်ႈၼႆႉ

(႑) တႃႇႁႂ်ႈပဵၼ် သမတ မူိင်းႁူမ်ႈတုမ် ႁူဝ်ပုိင်းဝႆႉပဵၼ်ၸဝ်ႈၶမ်းသူိၵ်ႈၸဝ်ႈၾႃႉလူင်ယွင်ႈႁူၺ်ႇ

(႒) တႃႇၶုိၼ်ႈႁဵတ်းဝူၼ်ႇလူင် ၼႂ်းႁူင်းပွင်ၵၢၼ်မူိင်း ပဵၼ်ၸဝ်ႈၸၢမ်ႇထုၼ်းၸဝ်ႈၾႃႇမူိင်းပွၼ်

(႓) ၼမ်ႉလူိဝ်ၼမ်ႉတွၼ်း ၼႂ်းငိုၼ်းၶွၼ်ႇၽုၼ်ႇမူိင်းဢၼ်လႆႈမႃးႁူမ်ႈတုမ်တၢင်းလၢႆ မႅင်ႇၶုိင်ႈ

ၵၼ်မၢၼ်ႈလႆႈပျႃးၼုိင်ႈၵေႃႈ တႆးလႆႈပျႃးၼုိင်ႈ

(႔) တႃႇၵၢၼ်မူိင်းတႆး ဢဝ်ၵၢင်ၸႂ်တႆးတၢမ်ၸႂ်တႆးပူၵ်းပွင်လႆႈယူႇ ပေႃးဢမ်ႇလူဝ်ႇၸုိင် 

သင်ဢမ်ႇႁွင်ႉ မၢၼ်ႈတေဢမ်ႇလႆႈၶဝ်ႈၸိမ်

(႕) ၸူိင်ႉၼင်ႇႁူဝ်ၶေႃသီႇပူိင် ဢၼ်ပၼ်ဝႆႉၼႆႉ ပႆႇမႅၼ်ႈၸႂ် ဢမ်ႇမူိၼ်ၸွမ်းလိၵ်ႈၵိၼ်ၵႅၼ်ႇၸမ်ႉ

ပေႃးတဵမ်သိပ်းပီႊ တႆးၶႂ်ႈၽေဢွၵ်ႇ တင်ႈမူိင်းႁင်းၶေႃၵူၺ်းၵေႃႈလႆႈယူႇဝႃႈၼႆ။

ၽူႈလူင်းလၢႆးမုိဝ်း

႑ ၸဝ်ႈၶမ်းသူိၵ်ႈ ၸဝ်ႈၾႃႉလူင်ယွင်ႈႁူၺ်ႈ

႒ ၸဝ်ႈၸၢမ်ႇထုၼ်း ၸဝ်ႈၾႃႉလူင်မူိင်းပွၼ်

႓ ၸဝ်ႈႁူမ်ႇၾႃႉ ၸဝ်ႈၾႃႉလူင်သႅၼ်ဝီ

႔ ပူဝ်ႇၶျူၵ်ႈဢွင်ႇသၢၼ်း ၽူႈတၢင်တူဝ်မူိင်းမၢၼ်ႈ 

ဝႆႉပၼ်လိၵ်ႈၵိၼ်ၵႅၼ်သိပ်းပီႊ

႒ႉ႓ႉ႔႗ ၵေႃးၸႃႇ ႑႓႐႘ၼီႈ

လူိၼ်သီႇမႂ်ႇ ႑႑ၶမ်ႈ ဝၼ်းဢႃးတိၸ်ႉ

ၽုိၼ်ဢိင် ဝႅပ်ႉသၢႆႉပုိၼ်းမူိင်းတႆးသဝ်းၶေႃ

သုိပ်ႇတႅမ်ႈတၢင်ႇ တႆးသတူဝ်း
႙ႉ႒႖ႉ႒႐႑႖

www.taistores.blogspot.com